Paseo marítimo de San Valentín, da serie: Paseo por Fene
POLAROID II. Ó CAMIÑANTE DESCOÑECIDO
Ó camiñante descoñecido, da serie: Paseo por Fene
Monumento situado en Barallobre, Fene, ideado por D. Alfonso Piñón e que foi inaugurado o 1 de xullo de 1934 por D. Ramón Otero Pedraio e D. Ramón Vilar Ponte, entre outras personalidades da época.
Foi o primeiro monumento do mundo adicado ó camiñante e conta con varios bancos na memoria de galegos ilustres e unha biblioteca ó aire libre.
Inicialmente foi construído ó carón da estación do ferrocarril e reubicado á beira da estrada da Palma no ano 1984, cando se lle engadiron tres novos bancos adicados a Castelao, Vilar Ponte e ó meu veciño Xosé María Pérez Parallé.
Para Piñón: "O camiñante descoñecído é o traballador que pasa e é a muller que traballa a terra buscando o benestar da súa familia; e é o ledo excursionista; e é a muller que pasa aloumiñando a lonxanía, agardando a volta do home emigrado; e é o neno que vai tódolos días á escola, e é a parella namorada que pasea a súa felicidade polo mundo. O camiñante
descoñecido é o home que viaxa na procura de aventuras, e é o vagabundo, que non busca nada, porque xa encontrou todo; e é o pobre que vai de porta en porta; o é o defunto que pasa a carón noso fácendo a súa última viaxe; e é o río que camiña eternamente ata o mar".
AS QUE FORON CANDIDATAS (14)
Un ano máis presentei tres obras ó certame fotográfico de máis prestixio dos que se celebran na bisbarra de Ferrol e decano no estado español, o "XXIII Certame Fotográfico sobre Medio Ambiente 2013" organizado polo Ateneo Ferrolán.
Como todos os anos, coincidindo co Día Mundial do Medio Ambiente inaugurouse onte 5 de xuño nas remozadas instalacións do Ateneo a exposición das 50 obras finalistas que tamén participarán no Outono Fotográfico e na que teño a honra de participar coa fotografía "Resaca" que xa apareceu publicada neste blogue.
Estas foron as fotos cas que participei:
"Resaca". Seleccionada finalista.
"Novos brotes nas fragas"
"Cemento"
ESTREANDO UNHA CÁMARA POLAROID
Sector naval, da serie: Paseo por Fene
Esta é a primeira fotografía que fago cunha cámara Polaroid, é unha Close-up 636 que me regalou un bo amigo ao que estou moi agradecido e coa que estou moi ilusionado. Con ela quero empezar facendo unha serie adicada a Fene, o concello onde me tocou vivir. A ver que sale...
Tamén quero agradecerlle a Angel Sotelo da galería Photo Art de Ourense que me suministrara os meus primeiros cartuchos de película para empezar a xogar á fotografía analóxica instantánea.
.jpg)
UN REGALO PARA QUEN NON O ESPERA
Ás veces pasa que cando menos o esperas alguén che fai un regalo.
Un frío día de inverno de paseo pola costa de Lobadíz e cando menos o esperaba o amigo Sol regaloume unhas raiolas para iluminar esta fotografía.
A VELLA ESCOLA (e X)
A Señorita
Alí queda aínda a señorita.
Rota, como a vella escola,
sin ter nada que ensinar a ninguén.
A VELLA ESCOLA (VIII)
Os baños
Pareceume incrible que aínda quede un urinario case intacto pendurado da parede... aínda que a súa tubaxe xa pasou a formar parte do quilo de chatarra.
A VELLA ESCOLA
Esta carteira é o símbolo.
É o único resto que atopei no meu paseo ao interior dunha vella escola abandonada xa fai anos que pode representar o que aquel gran edificio de estancias hexagonais foi no seu día.
Con ela quero empezar unha serie de fotografías que alí fixen e que amosan o que a vella escola é hoxe en día.
NOVOS BROTES NAS FRAGAS
Prodúceme un enorme pracer pasear pola Nosa Fraga, a Fraga do Eume, e comtemplar novos brotes de vida que veñen a cubrir coas suas verdes cores esta fermosa paraxe, desexando que nos agachen canto antes aqueles negros das cinzas que as atacaron o ano pasado.
PRODUCIÓN EFÍMERA
"Produción Efímera" é un proxecto expositivo organizado por Fotoforum Lumen no que teño a honra de participar con unha das miñas fotografías. A exposición está formada por 66 obras de outros tantos fotógrafos.
A escultura que representa esta imaxe forma parte do escaparate na entrada do local da exposición e esta é a súa lenda:
Produción Efímera.
Galería anónima e flotante de venta de fotografía
Dende a tarde do 3, ata a noite do 5
Rúa da Igrexa, 14 baixo (Ferrol)
Produción Efímera é un proxecto do Fotoforum Lumen que ten como finalidade poñer á venta obras de fotógrafos consagrados con outras daqueles que non o son tanto. Quixemos engadirlle algo de misterio, azar e gusto persoal, de tal maneira que o posible comprador non vai saber, ata despois da compra, de quen é a autoría da fotografía.
Todalas fotografías serán colgadas no baixo co mesmo tipo de marco, igual tamaño e en igualdade de condicións: é máis, terán todas o mesmo prezo, independentemente do autor.
O espazo baleiro estará en permanente construcción, enchendoo de sentido.
O día 5 terá lugar pola tarde noite, unha pequena clausura.
FITO
Lembro cando a finais dos anos 70 ou principios dos 80 escoitaba no radio-casete do meu pai a súa carácterística voz cantando cancións en galego co seu grupo A Roda: o "Pousa, pousa", "O andar miudiño"...
O pasado domingo tivemos o gusto de escoitalo na romería do Pote de Maniños, onde fixen estas fotografías, e unha semana despois as redes sociais e a prensa infórmannos do seu pasamento.
Descanse en Paz señor Fito Domínguez.
Subscribirse a:
Publicacións (Atom)