AMANITA MUSCARIA
Sempre que vexo estas fermosas setas intento pisar o chan con moito coidado e busco algún de esos diminutos seres que dín que as habitan.
Ata agora foime imposible atopar ningún pero non por iso deixarei de intentalo.
AS QUE FORON CANDIDATAS (12)
Fotografías presentadas ó XXI Certame de Medio Ambiente do Ateneo Ferrolán de 2011 que se inaugurou hoxe 6 de xuño na sala de exposicións da Autoridade Portuaria de Ferrol, no peirao de Curuxeiras.
A exposición permanecerá aberta ó público ata o día 21 de xuño en horario de 19 a 21 horas e as fotografías seleccionadas participarán no Outono Fotográfico de Ourense.
INAUGURACIÓN DE EXPOSICIÓN
Inaugurada a mostra cultural da Semana das Letras Galegas con exposición multidisciplinar de Xan Xe no local social da Asociación Veciñal Olmo en Vilar, Pontedeume que permanecerá aberta ata o sábado día 21 de maio.
EXPOSICIÓN DE XAN XE NA SEMANA DAS LETRAS GALEGAS
O luns día 16 de maio ás 19:00 h. inaugúrase a Semana das Letras Galegas no local social da Unidade Veciñal Olmo en Vilar, Pontedeume, con encontros culturais e mostra de traballos de artesanía Ademais haberá unha exposición de obras miñas na que amoso escultura, pintura, poesía e lóxica mente fotografía.
A mostra permanecerá aberta ata o sábado 21 de maio.
O programa de actividades que acompaña á exposición é o seguinte:
Luns 16 ás 19:00 h.: Apertura da mostra polo Sr. Alcalde de Pontedeume e actuación da coral Polifónica "O Pote" de Maniños.
Martes 17: Excursión á Illa de Óns.
Mércores 18: Visita dos colexios dende as 9 da mañá, xogos populares, obradoiros con artesáns, palilleiras, redeiro, fiadora de lá, tear, ferreiro, máquina de mallar.
Xoves 19 ás 20:00 h.: Charla sobre Lois Pereiro.
Venres 20 ás 22:30 h.: Actuación do grupo folk-rock "Estimaba que viñeras".
Sábado 21 ás 20:00 h.: Peche da mostra con actuación da Coral Polifónica Eumesa e remate con queimada na que se lerá o esconxuro do Segrel do Penedo Xosé María Pérez Parallé.
Estades todos convidados.
RESIDENTE EN FERROL VELLO
"O meu barrio, un dos poucos sitios que aínda quedan nas cidades no que se pode vivir tranquilo, onde podes ir a pasear polas rúas sen presas, sen agobios, sen coches que che pasen por enriba ó mínimo despiste, onde os veciños non te despertan nas mañás dos domingos co ruído do aspirador ou o volume do televisor, onde podes sair da casa e deixar a porta aberta...
Só ten unha cousa que me preocupa: os tellados e as vigas."
ÁS CEIBES Á LIBERDADE DE PRENSA E UNHA POMBA
"Ás ceibes" é unha escultura de Manuel Patinha instalada no Cantón de Molíns de Ferrol como momumento á liberdade de prensa.
A pomba é un animal do orden Columbiformes que en moitas culturas é utilizada como símbolo da sinxeleza, a inocencia, a paz, a armonía...
VOLVERON AS FLORES DA HERBA DE NAMORAR
Xa empezan a estar as nosas costas lucindo as armerias que as adornan todas as primaveras.
O TROMPETISTA
Unha mañá soleada que invita a pasear polas rúas,
unha fermosa melodía,
as bágoas dunha trompeta na compaña dun equipo
que alguén deixa alimentar,
posiblemente sin condicións.
Chiscar un ollo,
unha pequena axuda...
...Un artísta.
9 CACHORROS DE PURA RAZA
Técnicamente non hai por onde collela, mal exposta, desenfocada, ruído por todos lados... A cámara estaba mal configurada, pero tiña que recuperala de algún xeito porque a composición gustoume e xa é imposible repetila.
ORELLAS DE CHOCOLATE
Para os larpeiros unha variedade das típicas orellas do antroido: Orellas de chocolate. Mmmmmm...
AQUÍ XA NON HAI PISTOLAS...
Só arte...
...e ruínas.
Anacos de ladrillo, lixo e silvas que nos deixou como herencia o "glorioso" pasado en todos os puntos estratéxicos da nosa costa ártabra.
MAR DE FONDO
Remataba a tarde con mar de fondo,
a bruma agachaba o sol,
marchábame,
pensando que non estaba,
e saíron as luces a sorrirme
antes de que me fora.
CACHALOTE EN LUME BOO
O pasado venres morreu nas costas de Doniños un exemplar de cachalote femia de 11 metros de longo e unhas 24 toneladas de peso. que quedou varado na cala de Lume Boo.
Según o que apuntan os técnicos da SGHN (Sociedade Galega de Historia Natural) as causas da súa morte poden tratarse de unha enfermedade, a lonxevidade do animal ou a posible inxesta de algún aparello de pesca, xa que atoparon restos deixados por unha rede na súa mandíbula.
Agora a SGHN pretende que o cetáceo se traslade ás instalacións do Porto Exterior de Caneliñas e alí separar a súa carne, para o seu tratamento como residuo por unha empresa especializada, do esqueleto, que quedaría exposto nas novas instalacións do museo da Sociedade.
Como non podía ser de outra maneira, o problema xurde á hora de decidir quén se encargará de facer ese traslado "tan costoso" dende a praia de Lume Boo ata o porto exterior.
Será o Concello de Ferrol?, será a Autoridade Portuaria?, ou podería ser a Xunta de Galicia?...
Agardemos que o pobre animal non continúe o seu ciclo biolóxico nesta pequena cala e algún día o seu esqueleto poda ser admirado polos visitantes do museo da SGHN.
ESTÁ REMATANDO O OUTONO
Estas son algunhas das fotografías de este outono do 2010 que está a piques de rematar.
Na beira do mar, perto do castelo da Palma.
Xeada en Perlío.
xunto o Grande de Xuvia,
e tamén xunto o Eume.
Despóis de chover.
Subscribirse a:
Publicacións (Atom)