CHEA DE VIDA
Estarei subindo a unha montaña,
estarei buscando a sombra dunha parra,
estarei, estarei, estarei chea de vida,
chea de vida, chea de vida....
Cantaba GUADI GALEGO mentras eu estaba editando esta fotografía.
....
E sigue o Blogger modificando algunhas cores das fotografías, neste caso modifica a cor púrpura da flor volvendoa máis azul. :-(
O RÍO SESÍN EN CAAVEIRO
O río Sesín ó seu paso polas inmediacións do mosteiro de Caaveiro no medio das Fragas do Eume, no concello de A Capela, A Coruña.
NA ESCALEIRA
Un tópico para os de fora de Galicia sobre nós os galegos é que cando nos atopan nunha escaleira non saben si subimos ou baixamos... Aquí témolo representado na entrada do Museo do Humor de Fene.
ADEUS SEÑOR DAS POMBAS
Hoxe deixounos Pachara, un mítico e carismático persoaxe das rúas de Ferrol.
Para mín, e para a miña obra, sempre será "O Señor das pombas"...
Pachara xa aparecera nesta bitácora o 7 de marzo do 2011 alimentando as pombas da praza de Armas e nalgunha outra fotografía camiñando polas rúas, posiblemente dirixíndose cara ó Cantón para "regular" os aparcamentos.
Tamén inspirou un gravado á augaforte e augatinta que fixen o ano pasado.
e neste pasado verán fixen outra versión de "O Señor das pombas" con este debuxo a técnica mixta.
D.E.P. José Manuel Sayar. "O Señor das pombas".
MEMORIAS DUN NENO LABREGO
Seica "Memorias dun neno labrego" é o libro máis lido da literatura galega.
Hoxe 15 de novembro de 2015 finou na súa parroquia natal de Gres, en Vila de Cruces, Pontevedra, o seu autor, un dos grandes da Galiza: D. Xosé Neira Vilas
Eu tiven a honra de retratalo o día 4 de xullo do 2009 co gallo do 75 aniversario do Monumento ó Camiñante Descoñecido de Barallobre, Fene.
Aquí témolo cantando o Himno Galego no remate do acto.
D.E.P.
SIRIA
A fotografía non sempre amosa beleza.
Hoxe en tódalas redes sociais e nos medios de comunicación non para de falarse dunhas imaxes captadas pola fotógrafa turca Nilüfer Demir nas que aparece o cadaver dun neno nunha praia afogado xunto con outras once persoas (7 meniños) cando tentaban seguir as súas vidas fuxindo da barbarie que está acontecendo no seu país.
Estáse a cuestionar por moita xente á fotógrafa por ter publicado esas fotografías pero eu penso que a quen temos que cuestionar é ó noso propio "mundo" por permitir que pase o que está pasando.
OS PÉS DO AVÓ
O Avó ten a sona de ser o eucalipto (eucaliptus globulus) de maior porte de Europa cun perímetro duns 10,5 m. e unha altura de 67 m.
O seu pé pisa firme o Souto da Retorta na marxe dereita do río Landro, no lugar de Chavín en Viveiro (Lugo).
Din que foi plantado aló polo ano 1880.
Subscribirse a:
Publicacións (Atom)