NO XARDÍN DA CASA DA MALETA
E con este procesado envellecido remato esta serie adicada a esta peculiar casa de Barallobre.
Teño que agradecerlle ó amigo Jose que me permitira visitar e fotografar as súas dependencias e disfrutar de esta xoia da arquitectura indiana de principios do século XX.
(Neste enlace podes acceder a máis información sobre ela)
O DEPÓSITO DE AS REGAS
Para mín, xunto coa guindastre, sempre foi un símbolo do estaleiro que alimentaba a nosa ría, ASTANO. Hoxe supoño que xa nin de auga abastecerá as súas instalacións. Será o símbolo da decadencia?.
OUTONO NAS RÚAS
Unhas follas de Pradairo Xaponés (acer palmatum) adornan a cidade nunha fría mañá de outono.
CANDO SE POÑA O SOL...
Unha tarde de outono fermosa
tí e máis eu e o noso paseo
escoitando o son do silencio
desfrutando de nós e do noso
agardamos que chegue o momento.
PREPARADOS PARA O INVERNO
Unha morea de leña agarda a chegada do duro inverno á serra de Os Ancares baixo o tellado dunha palloza no lugar de O Piornedo, en Lugo.
CHEA DE VIDA
Estarei subindo a unha montaña,
estarei buscando a sombra dunha parra,
estarei, estarei, estarei chea de vida,
chea de vida, chea de vida....
Cantaba GUADI GALEGO mentras eu estaba editando esta fotografía.
....
E sigue o Blogger modificando algunhas cores das fotografías, neste caso modifica a cor púrpura da flor volvendoa máis azul. :-(
O RÍO SESÍN EN CAAVEIRO
O río Sesín ó seu paso polas inmediacións do mosteiro de Caaveiro no medio das Fragas do Eume, no concello de A Capela, A Coruña.
NA ESCALEIRA
Un tópico para os de fora de Galicia sobre nós os galegos é que cando nos atopan nunha escaleira non saben si subimos ou baixamos... Aquí témolo representado na entrada do Museo do Humor de Fene.
ADEUS SEÑOR DAS POMBAS
Hoxe deixounos Pachara, un mítico e carismático persoaxe das rúas de Ferrol.
Para mín, e para a miña obra, sempre será "O Señor das pombas"...
Pachara xa aparecera nesta bitácora o 7 de marzo do 2011 alimentando as pombas da praza de Armas e nalgunha outra fotografía camiñando polas rúas, posiblemente dirixíndose cara ó Cantón para "regular" os aparcamentos.
Tamén inspirou un gravado á augaforte e augatinta que fixen o ano pasado.
e neste pasado verán fixen outra versión de "O Señor das pombas" con este debuxo a técnica mixta.
D.E.P. José Manuel Sayar. "O Señor das pombas".
Subscribirse a:
Publicacións (Atom)