HABÍA UNHA VEZ UN LAGARTO CHAMADO JUANCHO...
Lagarto verdinegro galego ou lagarto das silvas (Lacerta schreiberi)
MUÍÑOS
Muíños no río Barosa en Barro, Pontevedra. Un fermoso lugar onde a natureza e a arquitectura popular conviven nun entorno único.
MÁIS FLORES DE CHELO PARA DECORAR PAREDES
Outra fotografía preparada para ser colgada nunha parede, está en Dibond de 40x40 con acabado mate.
PANORÁMICA DA PRAIA DE COVAS
Recién saída da impresora e montada sobre Dibond de 120x53 cm está esta panorámica que fixen fai uns anos na praia de Covas, Ferrol. Agora só falta colgala na parede do dormitorio a onde está destinada. A que pode quedar ben?
ARTE NA RÚA
Hoxe, sábado 15 de marzo de 2014, o barrio de San Valentín, en Fene, convertíuse nun estudio de pintura o aire libre onde se xuntaron máis de 30 artistas da comarca e de outros puntos de Galicia para celebrar a xornada "Mar e Ferro" organizada polo Centro de Promoción Social de San Valentín e Son Radiofusión (Radio Fene). Con esta xornada tratouse de reivindicar a construcción naval e carga de traballo urxente para os estaleiros da ría de Ferrol que revitalice a economía desta zona tan castigada e ó mesmo tempo celebrar tamén os 30 anos da emisora municipal Radio Fene.
Os artistas adicáronse a plasmar nos seus murais a súa visión do mundo do mar, os barcos e a construcción naval.
Tamén se realizou unha exposición de debuxos sobre o mesmo tema realizados en todos os colexios do concello, actuacións musicais e xuntanza de poetas e xentes da literatura.
Pódese ver o album da reportaxe fotográfica que fixen de este evento na miña galería de Facebook picando aquí.
A PRAIA DESPOIS (III)
Unha serie de cinco fotografías dun paseo pola praia despois dun duro inverno.
SIGUE CHOVENDO
E parece que aínda non para de chover...
Supoño que o bo deste inverno que nos ten castigados con tantos días grises, tanta choiva, temporais e cicloxéneses é que a primavera chegará a Galicia cheíña de flores e de verdes que nos alegrarán o ano.
AQUELA ESCALEIRA NUN FRÍO DÍA DE OUTONO...
Frío,
as mans que se queren,
o silencio e o son das pegadas falan,
camiñando xuntos
a onde nunca fumos,
a onde nunca estivemos.
Aquel outono que non vimos chegar
agachou o camiño...
agachou a escaleira.
AGARDANDO SOLUCIÓNS
Solucións Xa!!!
Non nos quedamos uns mirando para os outros mentras que os incompetentes politicos que nos gobernan non fan nada para solucionar os problemas laborais que sufre a comarca de Ferrolterra.
ESQUECEMENTO
O tempo que pasa,
unha cama baleira e fría,
o chan que ninguén pisa,
po.
A luz dunha fiestra que nunca se abre
iluminando nada.
E nalgún caixón gardado pra sempre...
O esquecemento.
BODEGÓN DE DÚAS BOTELLAS AZUIS CON HEDRA
Un bodegón sinxelo no que quero amosar un traballo de reciclaxe que fixen tallando o vidro destas dúas botellas de viño alvariño coas que nos agasallaron uns amigos para compartir unha agradable velada. (É unha mágoa que ó subir as fotografías a Blogger perdan a intensidade das cores).
Tamén quero celebrar con esta foto as máis de 10.000 veces que pasáchedes por aquí a ver as miñas obras fotográficas, agardando que algunha vos gustara e que non deixedes de vir de vez en cando.
Grazas.
OS PATOS DE REGAL
Alí están, no seu estanque, convivindo con todo o arte que podemos atopar no Bosque das Esculturas e máis en todo o complexo cultural e conxunto museístico Regal Xunqueira de Viveiro.
POLAROID. DANZA
Para intentar aproveitar outras dúas fotografías que non saíron da cámara nin se revelaron por quedarse enganchadas unha con outra pasoume pola cabeza facer unha transferencia para aproveitalas.
Transferencia de emulsión química Impossible Polaroid, óleo e lápis.
PEIRAO E ASTANO
A brétema non deixa ver Astano... aínda que agora a chamen Navantia.
O que fora un dos máis importantes estaleiros do mundo xa casi non se ve...
Subscribirse a:
Publicacións (Atom)