FITO
Lembro cando a finais dos anos 70 ou principios dos 80 escoitaba no radio-casete do meu pai a súa carácterística voz cantando cancións en galego co seu grupo A Roda: o "Pousa, pousa", "O andar miudiño"...
O pasado domingo tivemos o gusto de escoitalo na romería do Pote de Maniños, onde fixen estas fotografías, e unha semana despois as redes sociais e a prensa infórmannos do seu pasamento.
Descanse en Paz señor Fito Domínguez.
VAN COMO MOTOS...
Van como motos...
AS QUE FORON CANDIDATAS (13)
"A fraga queimada". Seleccionada finalista.
"Paisaxe dunha cadeira espida". Seleccionada finalista.
"Feridas mortais".
Estas foron as tres obras que presentei este ano ó "XXII Certame Fotográfico sobre Medio Ambiente 2012" do Ateneo Ferrolán, das que dúas foron seleccionadas como finalistas entre máis de 200 presentadas a concurso por fotógrafos de toda España.
As 50 obras seleccionadas participan na exposición que se inaugurou hoxe, día do Medio Ambiente, na sala de exposicións da Autoridade Portuaria de Ferrol, no peirao de Curuxeiras, e que permanecerá aberta de 18 a 21 horas durante todo este mes de xuño. Tamén formarán parte do catálogo do certame e da exposición itinerante que participará no Outono Fotográfico de Ourense.
XAN XE NA SEMANA DAS LETRAS GALEGAS
Por segundo ano teño o gusto de participar na exposición que con motivo da Semana das Letras Galegas organiza o Unidade Veciñal Olmo en Vilar, Pontedeume.
AS FRAGAS DO EUME ESTÁN ARDENDO
Un día despois da publicación da entrada anterior coñezo a nova do que está pasando:
As Fragas do Eume están ardendo.
Non é xusto, non hai dereito…
Fáiseme un nó no peito…
Vexo as novas nos xornais dixitais, na televisión, na radio, os comentarios e os enlaces dos amigos na rede, escoito pasar os hidroavións, vexo a cor do ceo… e fáiseme un nó no peito.
A miña reflexión lévame a unha conclusión e fai nacer en min un sentimento de odio.
Haberá quen poida pensar de min que son unha mala persoa ou que estou tolo, pero non me importa. Eu, que nunca mal de min falo a ninguén, sei que son de boa xente…
E pido xustiza, non sei a quen, pero pido xustiza. E non a xustiza que cos cartos dos impostos que pagamos alimenta e da pensión completa con ximnasio e canal plus a violadores e asasinos. E vólvome radical co meu odio e o meu sentir, sen hipocrisía. E non admito a políticos, nin relixións, nin Asambleas Internacionais nin ostias que me digan que a vida de unha persoa está por enriba de todo.
Penso que hai xente que non merece vivir nin unha morte digna.
O RÍO BELELLE E OS SEUS HABITANTES
Nun dos meus paseos matinais pola veira do río Belelle atopeime cun dos seus habitantes no medio do camiño, cando me veu votouse á auga e despois agachou nun burato para vixiarme, creo que é un visón pero non estou seguro, si alguén o recoñece agradecería o comentario.
HUMIDAL DA XUNQUEIRA, ARES
Os veciños e visitantes da vila de Ares teñen un agradable paseo acondicionado neste humidal que incluso conta con dous observatorios para aves e algunha papeleira infrautilizada, xa que a xente que vai por alí a facer o botellón, como é habitual, descoñece o seu funcionamento.
Fotográficamente gústame o efecto das ramas das árbores sen follas no inverno, pero haberá que volver máis adiante cando broten as novas follas e regresen os parrulos.
ESCAPARATE
Outra vez me que me pasa... non teño claro que procesado me gusta máis para esta foto tomada nunha rúa de Mondoñedo.
Cor ou branco e negro?
Subscribirse a:
Publicacións (Atom)