Arte nas mans
Xogar co tempo
Dín que non se pode, pero pódese. Pódese coa fotografía xogar a detelo, de feito é o seu ser.
Ás veces podemos movelo, converter dous instantes distintos, dous momentos de tempo distantes ou cercanos nun só que nos evoque outro momento distinto, outro tempo.
"Xogar co tempo". Fotografía de dobre exposición.
Tempo de xogos ao pé da nosa fervenza, a miña fervenza do río Belelle.
Fotografías para ver na radio. Novela negra
O escritor Antonio Tizón retratado na Taberna Casa Saqués, no barrio de Os Castros, un dos escenarios da súa novela "Os incurábeis".
A fotografía forma parte de un traballo que fai un percorrido por este barrio de A Coruña, polos seus bares, xentes, paisaxes... Locais emblemáticos na década dos oitenta ou o que queda de eles a día de hoxe. Lugares onde se desenrola a trama do serial radiofónico (podcast) "Os incurábeis" que se retrasmite nas ondas de Radio Fene no 107,7 da Fm ás 9:00 e ás 21:00 e tamén na radio á carta en www.radiofusion.gal
O Cristo dos Castros. Fotografías para ver na radio.
Retrato de Xesús Rodríguez Novo, intérprete do papel de Cristo, o rexente de O Santiagués, un local histórico no barrio dos Castros no serial radiofónico "Os incurábeis" baseado na novela do mesmo nome do escritor Antonio Tizón e no que colaboro facendo as fotografías para ver na radio.
Aquí tedes o enlace ao audio do primeiro capítulo de este "podcast" que podedes seguir en www.radiofusion.eu
Río Baxoi
Mansiño chega o río Baxoi á súa desembocadura na praia de Miño, onde mestura a súa auga coa da ría de Betanzos.
Reserva da biosfera Mariñas Coruñesas e Terras do Mandeo.
Solpores tormentosos
Tiña o presentemento de que hoxe as nubes do solpor agasallaríanme con algunha fotografía interesante. Creo que acertei.
De alí a pouco tiven que escapar para abrigarme no coche.
Un día de setembro na Praia de Doniños, Ferrol. A Coruña.