PRAIA DE ALMIEIRAS
Da serie "Paisaxes dunha cadeira espida"
Paraxes na beira do mar,
na beira dun río,
atoparse só baixo as sombras,
no medio da néboa,
baixo a calor do sol ou o frío do vento.
Na natureza…
escoitando o seu silencio
e gozando dos seus sons.
Onde nunca estivemos xuntos
sento a soñar…
Xan Xe
O POTE DE MANIÑOS
O pote é un símbolo en Maniños.
E O Pote de Maniños é a romería laica máis antiga das que se celebran en Galicia, no concello de Fene, e o vindeiro domingo xa serán 84 edicións de esta festa que se celebra o último domingo de cada agosto para reunir os romeiros a xantar, merendar e pasalo ben nas inmediacións do campo da festa.
O programa de este ano empeza ás 12:30 coa actuación das Escolas de Canto, Baile e Gaitas de Airiños de Fene, as cantareiras Xerfa e o grupo de baile Cambadela, ás 14:00 horas pregón e despóis xantar popular con mexilóns e churrasco. Ás 18:30 actuarán Airiños de Fene, ás 19:30 Tiruleque e ás 21:30 A Banda de Balbina. Durante toda a tarde as merendas estarán amenizadas por Os Feroces da Galgeira e pola noite unha verbena co grupo De Luxe.
Estades todos convidados.
Lume!!!.
HOMENAXE A ANGEL NIETO
Non fumos moitos, non sei si é que esta vez as redes sociais non funcionaron ben, pero algúns estivemos alí.
Alguén dixo que tiñamos que nos xuntar nas prazas maiores das cidades e alí fumos...
coas nosas motos...
Grazas "Maestro"!!!.
TRIBUTO A ISABEL MUÑOZ
Cando a vin con esta luz o primeiro que me pasou pola cabeza foi a fotografía da serie "Danza cubana" da gran Isabel Muñoz e vinme na necesidade de coller a cámara...
A BONDADE DA AUGA
Unha composición na que xogo coa escultura "A bondade da auga" do artista Diego Villamediana situada na vila de Ortigueira.
INDIAS NO ANTROIDO
As "indias" do grupo "Paso a paso" animaron coas súas cores e os seus bailes os desfiles do Antroido de Ferrol, Pontedeume e Fene.
AIRIÑOS DE FENE
Abstracción da banda de gaitas "Airiños de Fene" nunha actuación polas terras de Culleredo aló polo ano 2008.
NO XARDÍN DA CASA DA MALETA
E con este procesado envellecido remato esta serie adicada a esta peculiar casa de Barallobre.
Teño que agradecerlle ó amigo Jose que me permitira visitar e fotografar as súas dependencias e disfrutar de esta xoia da arquitectura indiana de principios do século XX.
(Neste enlace podes acceder a máis información sobre ela)
Subscribirse a:
Publicacións (Atom)