Este ano que rematou tiven a honra de participar coa miña modesta aportación do poema “Verbas” no proxecto “Enarborar o Bosque”, promovido como acto simbólico-cultural polos artistas plásticos e visuais Deli Sánchez e os componentes do colectivo arTeu Xacobe Meléndrez e Inma Doval, para facer un chamamento á valoración dos nosos bosques.
O acto consistíu nunha xornada de Arte Reivindicativa ao Aire Libre na Carballeira de Chaián ó pé do río Tambre en Trazo, Santiago de Compostela o día 5 de xuño de 2011.
A miña aportación forma parte da instalación de Xacobe Meléndrez “Poemas na Fronde”, na que se fixeron pendurar dunha árbore as obras de 39 poetas de distintas nacionalidades (galegos, cavoverdianos, mexicanos, costaricenses, portugueses…)
Un total de 59 artistas da pintura, a fotografía, a escultura, a música, a poesía…
que viron reflexado o acto na exposición que tivo lugar no Castelo de Santa Cruz en Oleiros, A Coruña, do 22 ó 31 de agosto, e neste video de Diego Beltrán, no que “Verbas” é recitado no minuto 12:55 pola actriz Iria Sobrado.
Verbas
Verbas que nacen escritas,
faladas, debuxadas ou pintadas,
talladas, labradas, cantadas…
Soñadas.
Verbas que un home non sabe dicir,
que quere facer escoitar a un amor
do que non sabe nin sinte si quere sentir,
si quere gozar…
Vivir.
Verbas sin letras,
sin aire, sin trazos nin cor,
no freixo, na pedra, nos sons…
Soñando.
Verbas que falan a un mundo
de un mundo que vive,
que loita e que soña utopías…
Desexos.
Xan Xe
Ningún comentario:
Publicar un comentario