xanxenfotos

Chíos de anduriña.

Levaba tempo con ganas de fotografíar unha anduriña.
Voando son moito máis rápidas que mín e non as dou pillado, pero onte, paseando polas rúas de Neda, os meus colegas do Grupo Bazán de Fotografía atoparon este niño, e non me poiden aguantar as ganas de ensinárvolas.
Sintoo moito si lle roubei a idea a alguén, pero estas son as miñas para compartir con todos.

Cámara Olympus E-400, ISO 100, obxetivo 40-150 mm (eq. 80-300 mm), Flash Metz Mecablitz 48-AF1

Hoxe quero chorar

Isto non é un poema nin unha bonita foto.

Hoxe quero chorar,
porque me peta e porque me sale... de dentro.
E xa chorei, e choro cando escribo e chorarei máis.
E quero dicilo aquí, a todos os que me visitades.

(Si non queres bágoas, por favor pasa a calquer outra entrada ou abandona o blog)

Hoxe os lentes que agachan os meus ollos non poden agachar as bágoas que salen deles.
Choro por mín, que o necesito.
Por tí, que estás ahí.
Porque estou triste, quero chorar.

Choro polos do avión de onte.

E choro, pola vida. E choro porque son felíz, polo que teño, que é meu...
e faime felíz.

E porque quero chorar.

Pola miña xente, os meus amigos, o meu mundo.

Por todos os que nunca coñecerei nin seredes nada na miña vida.

Por todos os que xa non estades aquí.

Porque hoxe necesitaba chorar, choro aquí e quero compartir as miñas bágoas con todos os que necesitedes chorar, polo que sexa, pola vida ou pola morte, polas inxusticias, polo amor, pola felicidade...

Porque chorar non é malo.

Agradezo que non fagas comentarios nesta entrada.

Si queres compartir en silencio as túas bágoas conmigo envíame un correo a xanxenfotos@gmail.com con asunto "B". Ti decides si queres comentarme algo.

Un anaquiño de ceo que non é nada

... e un poema para compartir:
Aproveitando o tempo que temos para vivir.
Aproveitando o tempo que temos para medrar.
Aproveitando o tempo que temos para soñar,
para crear, para loitar e para facer.

Facer da vida un soño para medrar creando vida, e para medrar soñando.

Soñar contigo, vivindo, …

Aproveitando o tempo.
© Xan Xe Corral Paz, 2008
Cámara Olympus E-400, ISO 100, distancia focal 73 mm (eq. 146 mm.), f/6,3 - 1/200 sg.

Raquel

Raquel,
encántame cando sales a recibirme,
movendo a túa coliña,
brincando de alegría...

(Para Fernando e Sonia, polo cariño e tempo que adican os seus bichiños e por ser os meus modelos máis voluntariosos.)

Cámara Olympus E-400, ISO 400, distancia focal 14 mm (eq. 28 mm), f/5,6 a 1/2000 sg.

Voa

Cámara Olympus E-400, ISO 100, distancia focal 150 mm (eq. 300 mm), f/8 - 1/1000 sg., filtro polarizador.

Nosa Fervenza

Auga,
que molla a vida que vive da auga,
do aire e da luz.
Que chova e que trone,
e que os soños das fadas nas nubes
non deixen que borre o desexo do Sol.

Auga,
que cambia os camiños do home,
da herba e da flor que se molla.
Quente,
que baña os corpos espidos
das musas etéreas nas termas do amor.

Auga,
que beben das fontes da terra
os sedentos de vida.
Que esculpe nas pedras figuras
pulindo os cantos,
furando nos ocos,
deixando o recordo do tempo,
mollando as gorxas que cantan:

Que chova e que chova...
que xa volverá a raer.

©Xan Xe Corral Paz, 2008

(Pido desculpas ós que xa o leerades no blog do Grupo por repetir o poema e por suprimirlle a primeira estrofa, pero para esta entrada gustoume máis así).

Cámara Olympue E-400, ISO 100, distancia focal 42 mm. (eq. 84 mm), f/8 - 1/15 sg., filtro polarizador e trípode.

Artistas

Rúas cheas de xente, deste tempo, doutros tempos,
artistas na rúa.

Complementarias

Cámara Olympus E-400, ISO 100, distancia focal 42mm. (eq. 84mm.), f/5,6 - 1/40 sg., filtro polarizador, flash e trípode.

Luz natural

Século vinteún, seguimos adiante.
Con nos ven a terra,
progreso, estudo.
Xa temos semillas, xa chegan os froitos.

Cámara Olympus E-400, ISO 100, distancia focal 90 mm (eq. 180 mm.), f/5.6 - 1/80 sg., filtro polarizador e trípode.

Metal

Feros tigres en Ferrolterra

Hai uns rapaces na miña terra que se fan chamar "Los Tigres del Cañotas", creo que é porque todos beberon das fontes que hai perto do río que lles da o nome (agora chámanlle río Cádavo), o de tigres non entendo ben porque é.

...o outro día estiveron tocando na praza do pobo

...a súa música é puro e bo rocanrol,

pásano ben facendo carallada

as suas letras...
...sentimentos

...ou pode ser unha obsesión?

Rapazas: non vos poñades moi cerca do escenario.

As cores do verán

Coa chegada do estío, as nosas costas enchense de cor, praias ateigadas das cores de moda, das cores da xente, das cores dos coches, as toallas, os parasois, os papaventos...

pero aínda nos quedan as praias do sur, onde o solpor se enche da cor natural, de verdes, azuis, amarelos...
que tinguen quilómetros de costa pola que pasear, ollando as gaivotas,

sentindo as correntes que moven a area,
que traen as mensaxes de naufragos tolos que ninguén lee.

Na beira, na beira...

na beira do mar

hai unha barquiña para ir a navegar...

Cámara Olympus E-400, ISO 100, distancia focal 150mm. (eq. 300mm.), f:8 - 1/1000 sg., filtro polarizador e trípode.

O xardín

Hai un xardín entre camiños,
sen camiñantes.
Serán as flores cortadas as verbas que acheguen lembranzas.

Cámara Olympus E-400, ISO 100, distancia focal 42 mm (eq. 84 mm) Filtro polarizador e trípode.

Lobadíz agarda a noite en calma

Cámara Olympus E-400, ISO 100, distancia focal 14 mm (eq. 28 mm), f/8 - 1/13 sg, filtro polarizador e trípode.

Verde

Que te quero ...

Cámara Olympus E-400, ISO 100, distancia focal 43 mm. (eq. 86 mm), f/5.6 - 1/80 sg. filtro polarizador e trípode

T.E.N.

Tecnoloxía Eólica Natural

Cámara Olympus E-400, aro inversor de obxetivo, flash Metz 48 AF-I

E tí que fas ahí ?

Cámara Olympus E-400, ISO 200 f /3.9 - 0,8 seg. Distancia focal 18 mm (eq. 36 mm), trípode.

Romería

Xa soan as gaitas,
o cheiro a churrasco, o polbo á feira.
Empeza o verán na Galicia romeira.

Cámara Olympus E-400, ISO 100, f/5.1 - 1/160 sg. a 106 mm (eq. 212 mm)

Rúa da fantasía

Onde nos levan os contos dos vellos
que voltan á casa co cheiro da auga
dos mares amigos.
As donas da rúa escoitan e agardan
que pasen os días.
Os nenos agachan os soños,
as rúas tranquilas.

Cámara Olympus E-400, Ollo de peixe, trípode

Muíños de Somede

Centos de historias agachadas polo tempo,
auga que deu de comer a fillos e netos que esquecen.
...
Traballos pasados.
O verde protexe o presente.

- Cámara Olympus E-400, ISO 100, distancia focal 30mm (eq. 60mm), f/8 - 1 seg. Filtro polarizador e trípode.